Sezoni i pestë i “Stranger Things” do të prezantohet këtë vjeshtë.
Siç është njoftuar në Netflix, katër episode të sezonit të pestë të këtij seriali do të mbërrijnë më 26 nëntor, tre episode për Krishtlindje dhe episodi i fundit për natën e Vitit të Ri.
Sipas njoftimeve të Netflix, ky sezon i fundit i serialit do të zbulojë detaje rreth mitologjisë së dimensionit alternativ kriptik.
“Pyetjet e fundit të mbetura do të zbulohen në sezonin e pestë”, tha një nga krijuesit e serialit, Ross Duffer.
Sipas sinopsisit, personazhet kryesore të serialit do të bashkohen me një qëllim, që është të gjejnë dhe vrasin Vecnën. Vendndodhja dhe planet e tij janë të panjohura, dhe qeveria e ka komplikuar misionin e tyre. Konkretisht, Qeveria e vendosi qytetin nën karantinë ushtarake dhe intensifikoi kërkimin për Eleven, duke e detyruar atë të fshihet përsëri.
Ndërsa afrohet përvjetori i zhdukjes së Will-it, rritet edhe një frikë e rëndë dhe e njohur. Përveç kësaj, monitorohet beteja e fundit. Për t’i dhënë fund gjithçkaje, do të duhet që i gjithë ekipi të qëndrojë së bashku për herë të fundit.
Së bashku me njoftimin e sezonit të pestë, u zbuluan edhe emrat e episodeve të reja, të cilat janë: “The Crawl, The Vanishing of…, The Turnbow Trap, Sorcerer, Shock Jock, Escape From Camazotz, The Bridge dhe The Rightside Up”.
Kasta e Stranger Things 5 përfshin: Winona Ryder (Joyce Byers), David Harbour (Jim Hopper), Millie Bobby Brown (Eleven), Finn Wolfhard (Mike Wheeler), Gaten Matarazza (Dustin Henderson), Caleb McLaughlin (Lucas Sinclair), Noah Schnapp (Will Byers), Sadie Sink (Max Mayfield), Natalia Dyer (Nancy Wheeler), Charlie Heaton (Jonathan Byers), Joe Keery (Steve Harrington), Maya Hawke (Robin Buckley), Priah Ferguson (Erica Sinclair), Brett Gelman (Murray), Jamie Campbell Bower (Vecna), Cara Buono (Karen Wheeler), Amybeth McNulty (Vickie), Nell Fisher (Holly Wheeler), Jake Connelly (Derek Turnbow), Alex Breaux (Akers) dhe Linda Hamilton (Dr. Kay).
Si kujtesë, “Stranger Things” filloi transmetimin për herë të parë në vitin 2016, dhe menjëherë pas shfaqjes së sezonit të parë, seriali u bë një nga serialet origjinale më të suksesshme të prodhuara nga Netflix. Çdo personazh në serial shoqërohet nga një histori interesante. Sezoni i katërt i serialit i kënaqi shikuesit, të cilët mezi presin edhe sezonin e pestë dhe të fundit.
