Ka vijuar edhe këtë të enjte saga e dëshmisë së Erion Alibejt, në kuadër të dosjes ‘Plumbi i Artë’, teksa ka sfiduar SPAK gjatë dëshmisë së tij para trupës gjykuese të GJKKO.
Në dëshminë e tij, Alibej i është drejtuar prokurorit të dosjes, Bnehar Dibra, duke i thënë se kush nga SPAK po e mbron Plarent Dervishajn dhe Suel Çelën, dy nga eksponentët më të rrezikshëm të bandave që operojnë në Elbasan.
Alibej ka këkruar nga prokurori Dibra, që deklarimet e tij të mëparshmë të mos u viheshi në dispozicion avokatëve të kundërshtarëve, pasi i njihte mirë lojërat e tyre jashtë.
Dëshmia e Erion Alibejt në gjykatë:
Behar Dibra: Është thjesht një akt marrje në pyetje por nuk është firmosur konform ligjit. I vetmi akt i marrjes në pyetje është ai që ju kemi vënë në dispozicion gjykatës dhe avokatëve.
Alibej: Kam nje deklarim shumë të gjat pra 25% janë sjell këtu. Kush e mbron Suel Çelën kush dhe kriminelët e tjerë. Çfarë nuk i takon këtij procesi gjyqësorë nuk mund të sillet këtu sepse unë kam edhe familjarë jashtë. Unë kam përmendur emra të personave që janë jashtë kësaj salle që nuk janë pjesë e këtij procesi që na rrezikojnë familjen.
Enver Diva: Pse të mos i marrim të gjitha deklarimet të marrim vesh çfarë kanë thënë të dalin sheshit se jemi të akuzuar për vrasje. Normal që këtyre ju dhimbet familja po kalamajt tonë kush i mbron?
Prokuror Behar Dibra: Edhe juve ju mbron shteti, ju mbron duke ju mbajtur në burg.
Avokati Gent Rumano( Henrik Hoxha): Unë mbroj vetëm klientin tim nuk kam asnjë interes tjetër për persona të tjerë çfarë thot Alibej.
Gjyqtarja-Prokurorëve: Kemi marrë një vendim do sillni procesverbalin ta vini në dispozicion të avokatëve.
Behar Dibra me tone të Larta: Nuk është bërë 29.09.2022 provë nuk është procesverbal. Nuk është në fashikuj.
Gjyqtaraj: Procesverbalin e datës 29.09.2022 do ta sillni në para gjykatës me firm apo pa firm.
Behar Dibra: Nuk është një procesverbal që i shërben këtij procesi por marr përsipër t’ua sjell tani. (largohet nga salla për të marrë procesverbalin)
Të pandehurit kërkojnë të largohen nga seanca
Avokati Gent Rumano- policëve: Mos i prekni me dorë, mos i ndaloni nuk keni të drejtë t’i prekni.
