Më 6 Korrik 1907 lindi Frida Kahlo, një nga artistet më të veçanta dhe frymëzuese të shekullit XX
Frida Kahlo de Rivera (Magdalena Carmen Frieda Kahlo y Calderón) u lind dhe jetoi në “La Casa Azul” (Shtëpia e Kaltër) në Mexico City, një shtëpi që sot është muze dhe simbol i shpirtit të saj krijues.
Pse Frida është kaq e veçantë?
Ajo krijoi autoportrete që flasin me ndjeshmëri të thellë për dhimbjen, dashurinë, identitetin dhe trupin e saj.
Frida përjetoi vuajtje fizike të jashtëzakonshme, pas një aksidenti në rini që la gjurmë të përhershme në trupin e saj, por që u shndërruan në burim fuqie dhe frymëzimi në artin e saj.
Me veshjen tradicionale tehuana, buzët e theksuara dhe vetullat karakteristike, ajo u bë ikonë kulturore dhe simbol i feminizmit modern.
Më shumë se piktore…
Frida nuk ishte vetëm një artiste, ajo ishte një zë i fuqishëm i identitetit kombëtar meksikan, i grave dhe i atyre që ndihen të ndryshëm.
“Unë nuk pikturoj ëndrra ose makthe. Unë pikturoj realitetin tim.” – Frida Kahlo
Frida Kahlo u nda nga jeta më 1954, por ndikimi i saj është gjithnjë në rritje.
Vepra e saj vazhdon të flasë fuqishëm për trupin, shpirtin dhe vetëdijen./Na Ishte Dikur/
