Pas një takimi të zhvilluar me Kryeministrin, 6 administratoret e Bashkisë së Korçës kanë paraqitur dorëheqjen e tyre pranë Kryetarit të Bashkisë, Sotiraq Filo. Administratoret do të qëndrojnë në detyrë deri në plotësimin e vendeve të lira. Dorëheqja e tyre është pranuar nga Filo, ndërkohë që dy nënkryetarët e Bashkisë së Korçës nuk kanë paraqitur dorëheqje, dhe as nuk u është kërkuar ndonjë veprim i tillë.
Në Bashkinë e Pogradecit, asnjë administrator dhe as nënkryetarët nuk kanë paraqitur dorëheqjen. Kryetari i Pogradecit ka deklaruar se janë në proces të shqyrtimit të mundësive për dorëheqje, por deri më tani nuk është marrë ndonjë vendim përkatës.
Po ashtu, në Bashkinë e Maliqit dhe Bashkinë e Devollit, nuk ka pasur dorëheqje nga administratorët apo nënkryetarët. Kryetarët e këtyre bashkive kanë konfirmuar se janë në proces të vlerësimit të situatës. Në Bashkinë e Kolonjës, 3 administratoret kanë dhënë dorëheqjen, ndërkohë që nënkryetarët kanë qëndruar në detyrë.
