Prej dy vitesh i dalë në pension, Emijani Jani, i është kujtuar kryeministrit, se duhet të gjejë një tjetër emër për t’a zëvendësuar dhe sipas burimëve nga PS për “bulevard” , tashmë ai është gati. Emiljan Jani ka dy vite që ka mbushur moshën e pensionit dhe ka vazhduar ta ushtrojë profesionin e prefektit, kuptohet sipas mënyrës së tij, që duket se ka qenë thjeshtë firma të kërkuara nga partia për të përfunduar në fund të muajit jo te gjeli detit të pensionistit, po te paga që për një pensionist është e majme. Emiljan Jani është një prurje e vonshme në organikën drejtuese të PS dhe shpesh herë është bërë edhe objekt batutash, por që mundi të ngjitet deri në pozicionin e prefektit, pozicion, i cili ka një histori të çuditëshme. I katapultuar në struktura nga i ndjeri Ilir Tanko, një nga emrat e njohur të PS në Durrës, me mjaft kontribut, por që mbeti vetë, në fund bodrumëve të bashkisë, si arshivistë, ndërkohë që nuk mundi të shohë shkallët në ngjitje të ‘merkatos” politike, madje për ta mbajtur në pozicionin e prefektit edhe dy vite të dala në pension (ligjërisht nuk dime si funksionon, ka apo nuk ka shkelje, po fakti që nuk ka çfarë shkel edhe mund të lejohet si specialist ).
Por si u bë prefekt i Durrësit, një njeri anonim, jo vetëm për kontribute, (i vetmi kontribut ishte kur mbaronte fushata dhe ai sistemonte televizorin e shtabit se kishte çelsin e zyres). Historia e emërimit në fakt sa është e pabesueshme është edhe ironia se si keqpërdoret pushteti për të vënë në detyra dhe poste eunukë politik, se kontributin ja di partia. I mbetur një institcion pa asnjë kompetencë, i papërfillshëm dhe pa asnjë ndikim sidomos në përqëndrimin e pushtetit në Durrës te njerëz jashtë strukturave, Emiljan Janit, i buzeqeshi një ditë fati që ndoshta nuk e ka marrë vesh as vetë. Vangjush Dako kishte rënë në hall të madh se nuk pranonte të shkonte askush në atë pozicion, pasi e dinin që do të komandoheshin edhe për ato firma që do të hidhnin, sidomos vendimet e keshillit bashkiak. Në kokëçarjet e tjera që kishte Dako, i duhej edhe një emër që kur duhej firma të mos hezitonte. Ndërsa Dako sillej vërdallë për të gjetur emrin e prefektit, z.Jani sillej për të gjetur një vend pune, pas shkarkimit për ca thashathemesh me tollona nafte, ku ishte drejtor në një kohë të shkurtër. Zgjidhja ishte i ndjeri Mir Bleta, ish shofer i Dakos, i cili ndërsa frenonte te vizat e bardha e sheh duke kaluar.
“O shefo, pse nuk ve këtë prefekt ti. Çfarë ka për të bërë ky i mut, pa punë është dhe për ditë vjen ke bashkia.”
Zgjidhja u gjet. Dako qetësoi trurin se gjeti një njeri për prefekt dhe z. Jani i buqeshi fati se nënkryetar bashkie pati edhe nipin duke krijuar kështu një mardhënie të shkëlqyer bashkëpunimi që nuk kishte ndodhur kurrë në institucionet e Durrësit. Gjithsesi duket se pas shumë konsultimesh, jo për kompetenca po për një figurë më serioze, është vendosur që prefekt i Durrësit të jetë Erjon Meka, një emër i njohur në PS, si ish deputet, po edhe si drejtues njësie vendore. Vetë PS e ka vlerësuar zotin Meka si “një profesionist me eksperiencë të gjatë në administratën publike dhe në politikën shqiptare, me një karrierë mbi 20-vjeçare të ndërtuar në shërbim të qytetarëve dhe strukturave të Partisë Socialiste të Shqipërisë. I diplomuar në Ekonomi, ai ka mbajtur funksione kyçe në administratën vendore të Bashkisë Durrës, si Administrator i Njësive Administrative nr. 3 dhe nr. 5, ku ka drejtuar me përgjegjësi procese të rëndësishme të qeverisjes vendore, duke fokusuar punën në përmirësimin e shërbimeve publike dhe modernizimin urban të komuniteteve që i janë besuar. Erjon Meka vlerësohet për integritetin e tij profesional, përkushtimin në shërbim të qytetarëve dhe aftësinë për të ndërtuar ura bashkëpunimi me komunitetin dhe institucionet vendore e qendrore”, thuhet në “CV” e zotit Meka, i cili pritet këto ditë të marrë postin e Prefektit të Durrësit.
