Nicole Scherzinger, këngëtarja dhe aktorja e njohur amerikane, 47 vjeçe, ka tërhequr vëmendjen e publikut dhe mediave rozë me paraqitjen e saj të fundit buzë detit.
Ylli i “Pussycat Dolls” u shfaq e veshur me një bikini të kaltër, duke theksuar linjat trupore dhe duke pozuar me vetëbesim përpara kamerës.
Nicole u pa duke shijuar rrezet e diellit dhe duke realizuar poza joshëse në breg të detit, ku shfaqej në formë të shkëlqyer fizike.
Megjithatë, atmosfera e qetë u shoqërua edhe me një moment gazmor: teksa hyri në ujë, ajo humbi ekuilibrin dhe u rrëzua, duke shkaktuar të qeshura te të pranishmit dhe vetë artistja.
Fotot dhe videot nga kjo dalje kanë bërë xhiron e rrjeteve sociale, ku fansat e kanë përgëzuar për hijeshinë, por edhe për spontanitetin dhe sensin e humorit që tregoi.
Shumë prej tyre komentuan se Scherzinger vazhdon të duket “sensacionale” edhe në moshën 47-vjeçare, duke mbetur një ikonë stili dhe energjie në botën e showbiz-it.
