Modelja dhe aktorja britanike Poppy Delevingne ka tërhequr vëmendjen me një paraqitje mahnitëse në eventin ekskluziv “The Butler Did It”, të mbajtur në ambientet luksoze të Raffles Hotel.
E veshur me një fustan të gjatë të kuq zjarr, që i rri për mrekulli shtatlartë dhe thekson linjat e saj elegante, Poppy u shfaq me një stil të sofistikuar dhe hijerëndë, duke reflektuar klas dhe vetëbesim. Pamja e saj e rrumbullakosur, me flokë të stiluar natyrshëm dhe aksesorë minimal, ishte një kombinim perfekt për natën glamuroze.
Në këtë mbrëmje të modës dhe elegancës, ajo u pa në shoqërinë e Emma Weymouth, markezeshës së parë me ngjyrë në Britani dhe një ikonë stili më vete.
Dyshja u fotografuan teksa buzëqeshnin dhe shijonin atmosferën luksoze të eventit, duke tërhequr sytë e të ftuarve dhe të pranishmëve në media.
“The Butler Did It” është një event i njohur për mikpritjen e emrave të mëdhenj nga bota e modës, artit dhe aristokracisë, dhe këtë herë nuk munguan yjet me paraqitje të kuruara deri në detaj.
