Të paktën 33 persona janë vrarë në përleshjet komunale në provincën qendrore të Çadit , Hajer Lamish, raportoi televizioni shtetëror të mërkurën.
“Përleshjet, të cilat ndodhën në mesditën e së martës, më 4 nëntor, sollën ballë për ballë dy komunitete nga provincat Bahr el Ghazal dhe Hajer Lamish”, sipas televizionit shtetëror, i cili tha se “numri i përkohshëm tregon shumë vdekje dhe plagosje nga të dyja palët”.
“Konflikti shpërtheu për shkak të një pusi të pretenduar nga dy komunitetet, Kouka dhe Gouran. Kjo rezultoi në humbjen e 33 jetëve dhe plagosjen e disa të tjerëve”, tha një këshilltar presidencial për AFP-në në kushte anonimiteti.
Forcat ushtarake janë vendosur në zonë, ndërsa ministrat dhe zyrtarët e lartë kanë mbërritur, sipas raportit televiziv të Çadit.
“Përleshje të ngjashme shpërthyen në të njëjtën zonë në vitet 1999 dhe 2004, me dhjetëra viktima”, kujtoi një zyrtar lokal.
Çadi shpesh preket nga konflikte ndërkomunale, kryesisht në zonat rurale, midis banorëve që grinden për tokë të punueshme, kullota dhe akses në burimet ujore.
