Aktorja Hilary Duff më në fund iu përgjigj pyetjes që fansat e Lizzie McGuire kanë bërë për vite me radhë: a do të përfundonte Lizzie me Gordon (Adam Lamberg)?
Gjatë një interviste në podcastin Therapuss, 38-vjeçarja tha se rikthimi i serialit u ndal për shkak të mospajtimeve mbi mënyrën se si do të paraqitej Lizzie si e rritur. “Nuk doja që ajo të ishte një version i idealizuar, por një 30-vjeçare normale. Megjithatë, disa nuk ishin gati ta çonin aq larg historinë,” shpjegoi Duff.
Sa i përket marrëdhënies me Gordo-n, ajo pranoi se, sipas saj, Lizzie dhe Gordo nuk do të kishin përfunduar bashkë. “Mendoj se patën diçka pas filmit, por nuk zgjati. Në mendjen time, ajo përfundoi me Ethan Craft,” tha ajo me humor, duke iu referuar simpatizuesit të Lizzie-t nga shkolla e mesme.
Seriali origjinal Lizzie McGuire përfundoi në vitin 2003 me filmin ku Lizzie dhe Gordo ndanin një puthje, por rikthimi i planifikuar në 2020 nuk u realizua kurrë.
