Është identifikuar viktima e ekzekutimit të ndodhur mbrëmjen e sotme në qytetin e Elbasanit. Burime konfirmojnë se i vrari është Edmond Mehalla, pronar i karburantit “Xhaxho Oil” dhe pronar i “EL Taxi”.
Sipas të dhënave paraprake, Mehalla kishte qenë më herët i proceduar për shpërndarje narkotikësh dhe armëmbajtje pa leje.
Policia bën me dije se ai u qëllua për vdekje brenda biznesit të tij, në zonën e Unazës së Jugut. Forcat e rendit ndodhen në vendngjarje dhe po hetojnë rrethanat e kësaj ngjarjeje të rëndë që ka tronditur qytetin.
