Rosie Huntington-Whiteley ndezi atmosferën teksa pozoi me një të brendshme rozë të zbehtë dhe të tejdukshme në disa fotografi të publikuara në rrjetet sociale të shtunën.
Modelja, 38 vjeçe, tregoi çdo detaj të fizikut të saj supermodelor, duke pozuar me vetëbesim në disa poza të ndryshme.
Ish-engjëllesha e Victoria’s Secret vuri në pah linjat dhe barkun e saj të sheshtë, duke veshur një reçipetë elegante me një fjongo dekorative.
Ikona e pasarelave bëri humor në mbishkrimin e saj duke shkruar: “Përfundova me një fjongo”, ndërsa pozonte për një reklamë të Marks & Spencer.
Kjo vjen pasi Rosie publikoi disa fotografi të rralla të djalit të saj Jack dhe vajzës Isabella, duke u dhënë fansave një vështrim në jetën e saj familjare.
Supermodelja angleze postoi në Instagram javën e kaluar një karusel me momente të veçanta të fundit me familjen e saj të vogël.
Rosie i ka dy fëmijët e saj, Jack, tetë vjeç, dhe Isabella, tre vjeçe, me të fejuarin e saj aktor, Jason Statham.
Ajo ndau momente të ëmbla, përfshirë Jack-un e madh duke i mbajtur dorën motrës së vogël gjatë një shëtitjeje vjeshtore dhe teksa qëndronin së bashku të ulur mbi një trung peme.
Rosie gjithashtu fotografoi Jack-un duke mbajtur një buf, ndërsa mbarte një dorezë mbrojtëse dhe ndihmohej nga një ekspert.
Muajin e kaluar, Rosie dhe Jason dëshmuan se çifti është më i fortë se kurrë teksa pozonin për të promovuar bashkëpunimin e tyre të dytë për Falconeri.
Modelja dhe ylli i filmit The Meg debutuan për herë të parë për këtë markë mode në mars të këtij viti.
Duke treguar se puna në ekip e bën ëndrrën realitet, dyshja u bashkua sërish në një seri fotosh mahnitëse të ndara në Instagram.
Pranë fotove, ajo shkroi: “E lumtur të zbuloj kapitullin e radhës të fushatës sonë Vjeshtë-Dimër 2025 për @falconeriofficial.
“Një vizion luksi dhe stili të përjetshëm, i kapur në mënyrë të mrekullueshme nga @lachlanbailey.”
