Një performancë provokuese nga Mike Winkelman, i njohur edhe me nofkën Beeple.
Qentë robotë me ngjashmëri me biznesmenët Elon Musk , Jeff Bezos dhe Mark Zuckerberg , si dhe me udhëheqësin e Koresë së Veriut Kim Jong Un , shkaktuan një sensacion në Panairin e Artit Modern në qytetin zviceran të Bazelit.
Instalacioni i quajtur “Regular Animals”, krijuar nga artisti Mike Winkelman, tërhoqi një numër të madh vizitorësh në panairin e mbajtur nga 5 deri më 7 dhjetor, raporton “Figaro”.
Videot tregojnë robotë me katër këmbë që lëvizin brenda një rrethi prej pleksiglasi.
“Koncepti bazë është që këta qen robotë të fotografojnë çdo gjë që shohin dhe pastaj ta shtypin atë në një stil që përputhet me secilin prej personazheve të ndryshëm që ata përfaqësojnë”, shpjegoi autori.
Robotët, të cilët janë të pajisur me kamera, përplasen me njëri-tjetrin ndërsa lëvizin, raportoi gazeta e Parisit.
Ata kanë një printer në pjesën e prapme dhe herë pas here ulen për të printuar fotot që kanë bërë, të cilat përfaqësojnë “pikëpamjen e tyre për botën”.
Mike Winkelmann, i njohur edhe me nofkën Beeple, donte ta përdorte këtë performancë provokuese për të dënuar mënyrën se si këta gjigantë të teknologjisë e formësojnë pikëpamjen tonë për botën përmes algoritmeve që kontrollojnë, sipas gazetës pariziene.
«E di se kë përfaqësojnë, por është e çuditshme kur i sheh me ato këmbë dhe trupa të vegjël robotësh», tha një nga vizitorët e panairit.
