John Robertson, anësori legjendar i Nottingham Forest dhe ekipit kombëtar skocez, dikur i përshkruar nga trajneri legjendar Brian Clough si “Pikaso i lojës sonë”, ka vdekur në moshën 72 – vjeçare.
Lajmi për vdekjen e tij tronditi botën e futbollit dhe ish-klubi i tij i dha lamtumirë me fjalë prekëse.
“Me zemra të thyera njoftojmë lajmin për vdekjen e legjendës dhe mikut të dashur të Nottingham Forest, John Robertson.
Një madhështor i vërtetë i klubit tonë dhe dy herë fitues i Kupës së Evropës, talenti i pakrahasueshëm i John, përulësia dhe besnikëria e palëkundur ndaj Nottingham Forest nuk do të harrohen kurrë. Pusho në paqe, Robbo…
Më i madhi ynë“, thuhet nga klubi.
Ish-lojtari i Celtic, Alan Thompson, për të cilin Robertson ishte mentor, shprehu gjithashtu ngushëllimet e tij.
“Sapo dëgjova lajmin shkatërrues se ish-ndihmës trajneri im te Celtic ka ndërruar jetë. Mendimet dhe lutjet e mia janë me familjen e tij të mrekullueshme”, tha Thompson.
