Autoritetet italiane kanë arrestuar nëntë persona të dyshuar për financimin e organizatës Hamas, e cila konsiderohet terroriste nga Bashkimi Evropian. Gjatë operacionit u sekuestruan asete me vlerë mbi 8 milionë euro.
Hetuesit thonë se paratë u mbledhën kryesisht përmes shoqatave bamirëse që pretendonin të ndihmonin civilët, por shumica e fondeve u drejtuan drejt organizatave të lidhura me Hamasin, përfshirë mbështetje për familjet e personave të përfshirë në sulme ose të dënuar për aktivitete terroriste.
Hetimi u koordinua nga njësitë kundër mafias dhe terrorizmit në Gjenova dhe përfshiu bashkëpunim me autoritete europiane dhe Eurojust. Midis të arrestuarve është edhe Mohammad Hannoun, president i Shoqatës së Palestinezëve në Itali, i identifikuar si figura kryesore e rrjetit të supozuar të financimit.
Kryeministrja italiane Giorgia Meloni e ka cilësuar operacionin si një fitore kundër financimit të terrorizmit, ndërsa disa aktivistë pro‑palestinez kritikuan arrestimet, duke i konsideruar si kriminalizim të solidaritetit me popullsinë palestineze.
