Rihanna dukej thjesht mahnitëse teksa shfaqi linjat e saj pas lindjes, vetëm katër muaj pasi solli në jetë fëmijën e saj të tretë.
Të martën, të gjithë sytë ishin nga superylli 37-vjeçar, ndërsa ajo u nis për një udhëtim luksoz me katamaran në Bridgetown të Barbadosit, për të shijuar disa momente të rralla qetësie me familjen, nën diellin e Karaibeve.
Për ditën e saj të relaksuar në det, themeluesja e Fenty e ngriti paraqitjen në një tjetër nivel me një byzylyk spektakolar Tiffany & Co. Elsa Peretti Large Bone Cuff, me vlerë rreth 50 mijë dollarë, shkruan “Daily Mail”.
Ajo e kombinoi bizhuterinë e guximshme me një çantë edicion të limituar Jeremy Scott x Longchamp Monster dhe një kostum noti Abysse, duke krijuar një pamje sportive, por njëkohësisht luksoze, që theksonte format e saj të tonifikuara.
Rihanna, e cila kthehet shpesh në Barbadosin e saj të lindjes së bashku me partnerin prej vitesh A$AP Rocky dhe fëmijët e tyre, shoqërohej nga djemtë RZA, tre vjeç, Riot, dy vjeç, si dhe vajza e tyre katërmuajshe, Rocki.
Gjatë lundrimit në Oqeanin Atlantik Verior, këngëtarja e hitit Diamonds u pa duke u kujdesur me dashuri për fëmijët e saj, madje në një moment u shtri duke mbajtur Riot mbi kraharor.
