Maya Jama ka zbuluar se është në një mision për të shtuar peshë, pasi humbi rreth 6.3 kilogramë gjatë kohës që ishte e sëmurë.
Prezantuesja e “Love Island”, 31 vjeçe, ndodhet aktualisht në Afrikën e Jugut, ku po xhiron serinë “All Stars”, pasi në fillim të janarit kaloi një grip të rëndë.
Ajo mungoi në një ngjarje të madhe promovuese për serinë për shkak të sëmundjes pas Krishtlindjeve dhe tha se gripi po “ma merrte shpirtin”, në një përditësim të sinqertë pak më vonë.
Maya u dha ndjekësve të saj një përditësim të hënën përmes Instagram Story, duke thënë se kishte humbur peshë për shkak të gjendjes së saj shëndetësore.
Teksa udhëtonte me makinë e veshur me rroba palestre, ajo shkroi në mbishkrim:
“Në thelb humba një stone duke qenë e sëmurë javën e kaluar, kështu që këtë javë jemi në mision për të shtuar peshë.”
Në video, ajo shfaqej me një trup të tonifikuar, e veshur me një bluzë të zezë me rripa dhe pantallona të shkurtra, të kombinuara me atlete komode.
