Imuniteti i Belinda Ballukut nuk përfshihet në rendin e ditës në seancën e ditës së enjte.
Në urdhrin e kryetarit të Kuvendit, Niko Peleshi, nuk rezulton një çështje e tillë.
Socialistët nuk kanë paraqitur në Kuvend akoma raportin e Këshillit të Mandateve për imunitetin e Ballukut.
Kurse opozita ka paraqitur raportin e saj, duke kërkuar heqjen e imunitetit për Ballukun për t’i hapur rrugën arrestimit nga SPAK.
Edi Rama synon ta zvarrisë këtë çështje për të tejkaluar afatin tremujor kur kërkesa e prokurorisë speciale quhet e rrëzuar.
Edhe pak ditë na ndajnë nga djegia e këtij afati.
Në momentin që socialistët prezantojnë raportin në Kuvend, atëherë seanca plenare duhet të mblidhet brenda 48 orësh për të vendosur.
Zvarritja e Edi Ramës është e qëllimshme, pasi kërkon të mbrojë zëvendësen e tij, pasi në afera janë të implikuar së bashku.
Nga ana tjetër, opozita ka paralajmëruar protestë para Kuvendit ditën kur të vendoset të shqyrtohet imuniteti i Ballukut.
