Një ngjarje e rëndë tronditi Austrinë dje, ku në një punishte në Vjenë u shemb konstruksioni i objektit.
Nën rrënoja mbeten disa punëtorë, përfshirë edhe tre me prejardhje nga Kosova.
Në mesin e viktimave raportohet të jetë ish-veterani i Ushtrisë Çlirimtare të Kosovës, Asllan Musliu.
Vdekjen e Musliut e ka konfirmuar edhe Ambasada e Republikës së Kosovës në Austri.
“Deri më tani, është konfirmuar zyrtarisht se dy nga viktimat janë shtetas të Republikës së Kosovës: Pajtim Bajrami (1990) dhe Asllan Musliu (1977).
Ambasada e Republikës së Kosovës në Austri shpreh dhimbjen e thellë dhe ngushëllimet më të sinqerta për familjet e viktimave, si dhe për të gjithë ata që janë prekur nga kjo tragjedi” thuhet në njoftimin e Ambasadës.
49-vjeçari Musliu, nga Zapllugja e Dragashit, kishte kohë që punonte në sektorin e ndërtimtarisë, në Austri.
