Aktorja Zendaya tërhoqi vëmendje gjatë premierës së filmit The Drama, duke zgjedhur një paraqitje të veçantë që u komentua gjerësisht nga mediat dhe fansat.
Ajo vendosi të rikthejë një fustan të bardhë elegant nga arkiva e saj personale, të cilin e kishte veshur fillimisht në ceremoninë e Academy Awards në vitin 2015, duke i dhënë pamjes një ndjesi nostalgjike dhe klasike, shkruan Daily mail.
Fustani i stilit “off-shoulder” me korset dhe detaje të lehta krijonte një pamje të frymëzuar nga veshjet e nusërisë, duke u përshtatur edhe me tematikën e filmit që ajo po promovon.
Zendaya e rifreskoi look-un me një stil modern, duke kombinuar flokë të shkurtër në stil klasik, aksesorë minimalë dhe këpucë elegante, çka e bëri paraqitjen të duket njëkohësisht tradicionale dhe bashkëkohore.
Gjatë eventit, vëmendje morën edhe unazat që ajo mbante, duke nxitur spekulime në rrjetet sociale për jetën e saj personale dhe një martesë të mundshme.
Kjo zgjedhje u interpretua si pjesë e një koncepti stilistik të frymëzuar nga thënia “something old, something new”, duke lidhur modën me narrativën e filmit dhe paraqitjen publike të aktores.
Paraqitja e saj u vlerësua si një nga momentet më të spikatura të eventit, duke konfirmuar edhe një herë statusin e Zendaya si një nga ikonat më të rëndësishme të stilit në industrinë e modës dhe filmit.
