Një operacion policor i synuar u krye në orët e para të së shtunës, (28 mars), në Burgun famëkeq të Koridhalosit në Greqi, nga Drejtoria për Luftimin e Krimit të Organizuar, ku vuajnë dënimin edhe shumë shqiptarë.
Sipas njoftimit, “pas përdorimit të informacionit të inteligjencës, oficerët e policisë nga Nëndrejtoria e Narkotikëve, me ndihmën e Departamentit të Grupeve Operacionale të Nëndrejtorisë së Inteligjencës dhe Veprimeve Speciale dhe pjesëmarrjen e një qeni policie, vazhduan – në prani të një prokurori – të inspektojnë një qeli në qendrën e paraburgimit”.
“Protothema” informon se gjatë kontrollit, një i burgosur i huaj 29-vjeçar u gjet në posedim të metamfetaminës kristalore, me një peshë totale prej 53.7 gramë, e cila ishte e ndarë në 39 pako najloni të improvizuara, si dhe shumën prej 75 eurosh.
Personi i arrestuar po i dërgohet organit kompetent të ndjekjes penale.
