Një ngjarje e rëndë ka ndodhur në një fshat të Fushë-Krujës, ku dyshohet se një konflikt familjar ka përfunduar me vrasje. Sipas të dhënave paraprake, dyshohet se autori është kunati i viktimës.
Në Sallën Operative të Komisariatit të Policisë Krujë ka mbërritur një telefonatë nga një shtetas i identifikuar me inicialet E.A., i cili ka njoftuar se disa persona të armatosur me çifte kanë qëlluar në drejtim të shtetasit A.Ç.
Pas njoftimit, forcat e Policisë kanë shkuar menjëherë në vendngjarje, ku po vijojnë kontrollet dhe verifikimet për të sqaruar rrethanat e incidentit.
Sipas informacioneve paraprake, personi i dyshuar për ngjarjen dyshohet se mund të jetë i vrarë ose i plagosur, por deri më tani nuk është gjetur në zonë.
Policia ka rrethuar territorin dhe po kryen kërkime intensive për lokalizimin e tij, si dhe për zbardhjen e plotë të ngjarjes dhe identifikimin e personave të tjerë të përfshirë.
