Cristiano Ronaldo vazhdon në formë të plotë fizike edhe në moshën 41-vjecare dhe nga faktorët kryesore janë ushqyerja dhe disiplina e duhur.
Sipas Giorgio Barone, ish-kuzhinierit personal së tij gjatë kohës së tij te Juventusi, një nga elementët kryesorë të dietës së tij është shmangia e qumështit.
Ronaldo ndjek një dietë me gjashtë vakte, të pasur me proteina dhe lëndë ushqyese.
Ai gjithashtu i kushton shumë rëndësi rikuperimit, duke përdorur sauna dhe terapi me akull pas stërvitjeve me intensitet të lartë që mund të zgjasin deri në katër orë në ditë. Përqindja e yndyrës në trupin e tij është rreth 7%, më e ulët se mesatarja për futbollistët profesionistë
Dieta e tij bazohet në ushqime me pak yndyrë dhe me shumë lëndë ushqyese, siç janë peshku i freskët, pula, avokado, drithërat integrale, perimet dhe frutat. Mëngjesi i tij zakonisht përfshin avokado, vezë dhe kafe pa sheqer, ndërsa dreka përbëhet nga pulë ose peshk me perime.
Darka është e lehtë, me proteina dhe perime, duke shmangur karbohidratet e rafinuara si buka dhe makaronat. Në të njëjtën kohë, ai shmang rreptësisht pijet e gazuara, duke promovuar konsumin e ujit – një qëndrim që u bë veçanërisht i njohur gjatë Kampionatit Evropian 2020.
Disiplina e Ronaldos është një shembull për shumë futbollistë të rinj. Lojtarë si Vinicius J. ndjekin modele të ngjashme dietetike dhe stërvitore, ndërsa Neymar është konsultuar gjithashtu me metodat e tij për menaxhimin e formës së tij fizike.
