Edi Rama sfidoi hapur sot Bashkimin Evropian kur deklaroi se vlerëson patronazhistët me në krye Gramoz Ruçin.
Duke folur në 35-vjetorin e PS, Rama tha se shoku Gramoz Ruçi është kryepatronazhisti i vendit.
“Pra, ajo që shumëkush nuk e kupton si funksionon Gramozi, është fakti që Gramozi është kryepatronazhisti i PS. E kam thënë përpara dhe e përsëris sot, unë çmoj punën e të gjithëve, por mbi të gjitha çmoj punën e patronazhistëve”, tha ndër të tjera Rama
Ndërkohë opozita i ka shpallur patronazhistët si terroristë elektoralë.
Kurse BE në raportin e fundit IBAR, të miratuar para disa ditësh, i ka vendosur si kusht luftën kundër partisë-shtet dhe patronazhistëve.
“Shqipëria duhet të sigurojë fushë loje të barabartë… duke marrë masa kundër keqpërdorimit të burimeve shtetërore dhe levës institucionale si dhe duke reduktuar ndikimin e rrjeteve të patronazhit,” thuhet në raportin e miratuar në maj.
