Ka nisur marshimi i protestuesve nga Sheshi “Skënderbej” drejt Kryeministrisë, në protestën e 82-të kundër qeverisë së Edi Ramës.
Qytetarët janë nisur përgjatë bulevardit “Dëshmorët e Kombit”, duke mbajtur pankarta dhe duke përsëritur thirrjet kundër kryeministrit Edi Rama.
Kërkesa e protestuesve mbetet e njëjtë: dorëheqja e panegociueshme e Edi Ramës dhe largimi i qeverisë.
Me mbërritjen para Kryeministrisë pritet të mbahen fjalimet, ku organizatorët dhe qytetarët do të përcjellin mesazhet e tyre kundër qeverisë.
Protestat vijojnë prej 82 ditësh, ndërsa qytetarët kanë deklaruar se do të vazhdojnë rezistencën deri në largimin e Edi Ramës.
