Një ishull vullkanik i izoluar pranë Antarktidës e ka humbur titullin si vendndodhja e kolonisë më të madhe të pinguinëve në botë.
Një studim i publikuar më 7 tetor, zbuloi se popullata e pinguinëve me brez në mjekër ra me rreth dy të tretat midis viteve 2011 dhe 2025.
Studiuesit ia atribuojnë këtë ndryshimeve në zinxhirin ushqimor të oqeanit të shkaktuara nga klima.
Instituti Britanik i Kërkimeve në Antarktidë (BAS) udhëhoqi kërkimin, i cili është publikuar në revistën Current Biology.
Imazhet nga dronët dhe satelitët treguan se numri i foleve të zëna nga pinguinët me brez në mjekër në ishullin Zavodovski ra 63% gjatë asaj periudhe.
Zavodovski është pjesë e Ishujve Sandwich të Jugut, një territor britanik përtej detit në veri të kontinentit të Antarktidës.
Studiuesit thonë se ngrohja e ujërave e ka zhvendosur ushqimin kryesor të pinguinëve drejt jugut.
Ekipi shqyrtoi shpjegime të tjera, por i përjashtoi ato. Mali Curry, vullkani i ishullit, shpërtheu në vitin 2016, por hiri u përhap në drejtimin verilindor, mbi zona ku shpendët nuk bëjnë fole.
Studimi zbuloi gjithashtu se rënia “kishte filluar para shpërthimit dhe vazhdoi me të njëjtin ritëm edhe pas tij”.
Të dhënat e gjurmimit treguan se pinguinët ushqehen në ujëra më të ngrohta në verilindje të ishullit, ku me gjasë konsumojnë peshq dhe krustace të tjera.
Ishujt Sandwich Jugorë strehojnë 38% të popullatës botërore të pinguinëve, ndaj gjetjet ngrenë shqetësim për këtë lloj në tërësi.
Titulli i kolonisë më të madhe të pinguinëve në botë tani u takon pinguinëve “Adélie” të Cape Adare në Detin Ross, që ndodhet më shumë se 5 000 kilometra larg. Ajo koloni numëronte mbi një milion zogj që prej vitit 2018.
