Ben Affleck ka një marrëdhënie “të mrekullueshme” bashkëprindërimi me Jennifer Garner.
Aktori i filmit “Gone Girl”, i cili u divorcua nga ish-bashkëshortja e tij në vitin 2018 pas 13 vitesh së bashku, ka tre fëmijë me aktoren 54-vjeçare të serisë “Alias”: Violet (20), Fin (17) dhe Samuel (14).
“Nuk kam asgjë skandaloze në jetën time. Punoj shumë dhe më pas shkoj në shtëpi për të marrë fëmijët nga shkolla. Hamë darkë së bashku, nëse ata pranojnë të kalojnë kohë me mua. Ata qëndrojnë një javë me mua dhe një javë me mamanë e tyre. Ata kanë një marrëdhënie të shkëlqyer me mamanë e tyre, për të cilën edhe unë jam vërtet shumë mirënjohës. E di që do të ketë situata të vështira dhe nuk dua ta prish mbarëvajtjen aktuale, por kjo periudhë e jetës sime, si qenie njerëzore, është vërtet e mrekullueshme”, tha Affleck për revistën Variety.
Ben, 54-vjeç, shpjegoi gjithashtu pse dëshiron të qëndrojë në Los Anxhelos për punë, në vend që të udhëtojë nëpër botë.
“Jam i divorcuar, kam kujdestari të përbashkët dhe nuk dua t’i humbas këto vite. Fëmijët e mi janë këtu dhe jeta e tyre po kalon shumë shpejt. Nuk dua të jem i detyruar të shkoj në Shreveport apo Nju-Meksiko për të punuar. E di që disa njerëz nuk e kanë luksin për të bërë zgjedhje të tilla. Sigurisht që jam me fat, por e di nga përvoja se ekipet më të mira të xhirimeve në botë ndodhen në Los Anxhelos.”
Së fundmi, Ben theksoi se krijimi i lidhjeve të reja romantike nuk është një “prioritet i madh në jetën e tij” për momentin, pas divorcit nga Jennifer Lopez, pasi ai është i përqendruar te puna dhe te prania për fëmijët e tij dhe të Garner.
Beni thekson se ndodhet në një “gjendje të mirë” që kur ai dhe Jennifer Lopez (57) finalizuan divorcin e tyre në janar të vitit 2025, pas dy vjet martese.
“Jam mirë dhe jam i lumtur. I di cilat janë prioritetet e mia. Nuk mund të kesh dy gjëra që janë njëkohësisht ‘më të rëndësishmet’ në jetë. Për mua, ato janë fëmijët. Kjo është gjëja kryesore. Pastaj kam punën, të cilën e dua ku ndihem shkëlqyeshëm. Kush e di se çfarë aventurash do të sjellë jeta? Jam i hapur ndaj tyre, por nuk po përpiqem të ndjek asgjë me ngulm”.
