Ka agravuar protesta e cila është zhvendosur tashmë te Ministria e Ekonomisë.
Protestuesit kanë arritur të thyejnë derën dhe të futen në ambientet e brendshme, teksa kanë nxjerrë orenditë dhe u kanë vënë flakën.
Ndërkohë jashtë saj, i është vënë flaka koshave të mbeturinave dhe tabelave reklamuese.
Tensionet në kryeqytet kanë përfshirë një tjetër zonë kyçe, teksa forcat e Forcave të Ndërhyrjes së Shpejtë (FNSH) kanë ndërhyrë pranë Ministrisë së Financave.
Në këtë zonë ka pasur hedhje të gazit lotsjellës nga efektivët e FNSH-së për të shpërndarë turmën, ndërsa protestuesit kanë vazhduar të mosr tërhiqen, duke u kundërpërgjigjur me gurë dhe sende të ndryshme rrethanore ndaj forcave të rendit.
Nga ana e tyre, trupat e FNSH-së janë përgjigjur vetëm me hedhjen e gazit lotsjellës për të mbajtur situatën nën kontroll.
