Nëntë vite pas ndarjes së parakohshme nga jeta, Adelajda Xhamani vazhdon të kujtohet për guximin, historinë e saj dhe gjurmën që la në ekranin shqiptar.
Më 29 tetor, gazetari Eraldo Rexho e përkujtoi mikeshën e tij me një video nga koha kur punonin së bashku, duke shprehur mallin përmes një mesazhi të shkurtër.
Adela u bë e njohur për publikun në vitin 2009, kur u bë pjesë e Big Brother Albania.
Asokohe mësuese nga Kavaja, ajo sfidoi paragjykimet e kohës dhe u kthye në një nga personazhet më të komentuara të atij edicioni, edhe për historinë e dashurisë me Bjordi Mezinin.
Pas përfundimit të spektaklit, ajo vijoi karrierën në gazetari, duke punuar në media të njohura shqiptare.
Megjithatë, jeta e saj u ndërpre papritur më 29 tetor 2017, në moshën 31-vjeçare, duke lënë pas dhimbje te familjarët, miqtë dhe kolegët.
Nëntë vite më vonë, Adela kujtohet jo vetëm për eksperiencën televizive, por edhe për guximin për të bërë zgjedhjet e saj, në një kohë kur jo çdo vendim i një vajze pranohej lehtësisht nga shoqëria.
Edhe pse u largua shumë herët, emri dhe historia e saj vazhdojnë të mbeten pjesë e kujtesës së publikut.
