Luciano Spalletti, trajneri i Italisë foli për Sky, ku nuk la pa përmendur Europianin, me ekipin që është në grup me Spanjën, Kroacinë e Shqipërinë.
“Fanella e Italisë është më e bukura në botë. Është gjëja më e mirë që mund të më ndodhte, jam në pikën më të lartë në historinë time. Scamacca? Nuk jam i befasuar, e pashë kundër Ukrainës dhe Anglisë.
Ai është një nga tre sulmuesit qendrorë të kombëtares. Për mua është shumë i rëndësishëm, falënderoj Gasperinin për punën që ka bërë me të.
Duhet të jemi gati, është një kompeticion shumë i rëndësishëm. Ne duam që italianët të thonë “ne jemi krenarë për ju” – tha ai.
