Christina Aguilera, 44 vjeçe, shkëlqeu në premierën botërore të “Burlesque: The Musical” në Londër, e veshur me një fustan të zi provokues që zbulonte të brendshmet. Ajo e kompletoi pamjen me çorape të zeza, taka elegante dhe bizhuteri argjendi, duke tërhequr gjithë vëmendjen në tapetin e kuq.
Spekulimet rreth ndryshimeve në pamjen e saj fizike vazhdojnë, por këngëtarja nuk ka komentuar mbi thashethemet. Ikona e pop-it, Christina Aguilera, e plotësoi paraqitjen e saj mahnitëse me bizhuteri argjendi dhe buzëkuq të kuq.
Para se t’i bashkohej producentit Steve Antin, ajo pozoi me vetëbesim në tapetin e kuq. Të dy u shfaqën të buzëqeshur dhe plot humor, teksa Steve i dha një puthje të ëmbël në faqe.
Në këtë ngjarje yjesh morën pjesë edhe Michael Marouli, Georgina Castle, Stewart F. Lane, Bonnie Comley, Matt Goss, Jess Folley dhe Nick Collier.
Pas suksesit në Manchester, “Burlesque: The Musical” po shfaqet në Teatrin Savoy në Londër deri më 6 shtator 2025.
Christina Aguilera e ndoqi një parashfaqje të muzikallit më 20 korrik, duke u ulur në sallë si spektatore.
Shfaqja është një rikrijim i filmit të vitit 2010 që e bëri atë yll të ekranit.
Ndërkohë, fansat kanë shprehur shqetësim për pamjen e saj të dobësuar dhe spekulojnë për ndërhyrje estetike apo përdorimin e ilaçeve për humbje peshe si Ozempic, megjithatë Christina nuk ka komentuar asnjë prej këtyre zërave.
Ajo është përfolur më herët edhe për një ndërhyrje në gjoks, pas një shenje nën krah që u vu re në vitin 2010.
