Supermodelja legjendare Naomi Campbell po shijon disa ditë relaksi në Ibiza.
Ajo është parë në formë të shkëlqyer, duke dëshmuar edhe një herë pse mbetet ikonë e bukurisë dhe elegancës edhe në moshën 55-vjeçare.
E veshur me një bikini të zezë dy pjesëshe, Naomi ka tërhequr vëmendjen me fizikun e saj të tonifikuar dhe barkun e rrafshët, teksa pozonte me vetëbesim nën diellin mesdhetar.
Në fotografitë e publikuara, ajo shfaqet me disa kombinime të ndryshme verore, përfshirë edhe një set të verdhë me detaje me pala, si dhe një palë rroba banje në ngjyrë rozë të çelët nga marka britanike Nou Nou London, ndërsa shëtiste në ambientet luksoze të resortit ku po qëndron shkruan Daily Mail.
Campbell ka treguar më parë se pas formës së saj fizike qëndron shumë përkushtim dhe disiplinë. Ajo së fundmi ka ndarë me ndjekësit në rrjetet sociale një video gjatë ushtrimeve Pilates, ku përdor një kostum të posaçëm me stimulim elektrik të muskujve (EMS), për të rritur efikasitetin e stërvitjes.
