Enea Kume, vëllai i deputetit socialist ne qarkun e Durrësit Loer Kume është një nga personat e arrestuar gjatë operacionit te fundit të SPAK.
Në dosjen e siguruar nga ‘Euronews Albania’, ai dyshohet se ka pasur rolin e vëzhguesit në vrasjen e Edmir Bregut në vitin 2021 ne qytetin bregdetar.
Në një nga bisedat në SKY Ecc ku vëllai i deputetit socialist komunikon me Aldo Avdylin, i shpallur në kërkim, shpreh shqetësimin së zbërthimi i aplikacionit Encro chat do t’i sjellë probleme.
Biseda e zbardhur nga SKY Ecc: ….Po ca pune do na dali me enkron…Ne që s’na jan kap në dor për … kanë ik…Ato jon ca i kapin n’dor…Po ai ka maru punë e dak
Bashkohena blejmë ca armë e rrimë n mal vlla…zgjidhje tjeter ska… Kuptoj….Për mal jena me u hap të gjitha…Ska zgiidhje tjeter.
Në datën 21 nëntor në orën 12:13, Elidon (Aldo) Avdyli ka biseduar me Enea Kumen dhe biseda përveç të tjerave dyshohet se bën fjalë për Edmir Bregun.
Elidoni i ka shkruar Eneas se “ishalla po del sot ai gruaq…” ndërsa në orën 12:32, i ka shkruar që të flasë me Bazholin dhe t’i thotë që t’i jape “Bolit” alias Ermir Dedja, 300 euro që të paguaj shtëpinë. Sipas Elidonit, Ermiri i ka nxirë jetën por lekët i meriton pasi ka qëndruar gati dhe shpresonte që (vrasjen) ta kryenin atë ditë.
