Gjykata e Shkodrës caktoi masën e arrestit në burg Gjovalin Shkëmbi, xhaxhain e Elvis Shkëmbit. Ai kërcënoi gjyqtarët se do t’i vriste nëse ata do të dënonin nipin e tij për vrasjen e gjyqtarit Astrit Kalaja. Ky i fundit u qëllua për vdekje në sallën e gjyqit në Gjykatën e Apelit. Dje Gjykata e Tiranës la në burg Elvis dhe Gjon Shkëmbin të dyshuar përkatësisht si ekzekutor dhe bashkëpunëtor në vrasjen e Kalasë.
