Profesori Enver Bytyçi ka reaguar me një mesazh të fortë publik drejtuar Behgjet Pacolli, ku e paralajmëroi këtë të fundit për rreziqe që, sipas tij, lidhen me investimet në aeroportin e Vlorës dhe interesat e grupeve të fuqishme politike e ekonomike.
Me tone të drejtpërdrejta dhe kritike, Bytyçi përmes një shkrimi dërguar “Bota sot” i kërkoi Pacollit “të ruajë aksionet dhe kokën”, duke aluduar për përfshirje të “mafies së shtetit” në prapaskenat e projekteve me vlera të mëdha financiare.
Shkrimi i plotë
Një këshillë për Bacin Behgjet!
Kujdes Bac! Ervis Martini u zhduk mbasi vuri 600 milionë euro me “lejen” e duanë e naltmadhnisë në Tiranë. Kjo sepse Ervisi nuk pranoi t’i dorëzojë ato para me “vullnet të lirë”! Nuk është kollaj që ato 40 përqind të aksioneve që kishte planifikuar për vete, Naltmadhnisë t’i shkojnë dëm!
Ruaji aksionet në aeroportin e Vlorës, Bac Behgjeti! Po ruaje edhe kokën, se bëhet fjalë për qindra milionë euro që mafia e shtetit i do prej teje!
