Dy vjet pas vdekjes së nipit të aktorit të njohur hollivudian Robert De Niro, Leandro Anthony De Niro-Rodriguez, autoritetet kanë bërë pesë arrestime të tjera.
Leandro, 19 vjeç, djali i vajzës së adoptuar të aktorit të famshëm, Drena, u gjet i vdekur më 2 korrik 2023, nga një mbidozë e dukshme droge.
Pesë burrat e arrestuar: Grant McIver, Bruce Epperson, Eddie Barretto, John Nicholas dhe Roy Nicholas – ishin, sipas prokurorëve, anëtarë të një rrjeti kriminal që shpërndante mijëra pilula opioide të përziera me fentanil, ndër substanca të tjera, tek adoleshentët dhe të rinjtë në New York City.
Sipas aktakuzës, pilulat me fentanil që të pandehurit po shpërndanin shkaktuan vdekjen e tre 19-vjeçarëve, përfshirë Leandro De Niro-Rodriguez, informon agjencia mediatike TMZ.
Një person tjetër, një grua me emrin Sofia Marks, u arrestua disa javë pas vdekjes tragjike të nipit të Robert De Niro-s, duke u përballur me akuzat për shitje droge te i riu.
Në atë kohë, u raportua se Leandro ishte parë nga një mik i cili nuk kishte dëgjuar prej tij për disa ditë dhe kishte shkuar ta kontrollonte.
