Kryeministri Edi Rama ka deklaruar se Shqipëria ka përballuar reshjet e pazakonta të ditëve të fundit, ndryshe nga e kaluara kur edhe një shi i zakonshëm shkaktonte përmbytje të mëdha në shumë zona të vendit.
Në mbledhjen e Komitetit të Emergjencave Civile, Rama ironizoi opozitën duke e quajtur “aleate te shiut”, ndërsa deklaroi se qeveria do t’i përgjigjet të dëmtuarve me cdo detyrim qoftë për banesa qofte per gjene e gjalle.
Kreu i qeverisë bëri të ditur se në dekadën e fundit janë investuar rreth 250 milionë euro në infrastrukturën ujore.
“Nëse reshjet e pazakonta të ditëve të fundit përmbyten vende në krejt rajonin tonë, Shqipëria nuk reagoi si dikur kur edhe një shi i zakonshëm bënte ujë dynjanë sepse sot Shqipëria është krejt tjetër.
Kur ne erdhën në qeveri në malin e borxheve që na lënë në trashëgimi aleatet e shiut ishte edhe një pjesë e tërë borxhet nga përmbytjet e Shkodrës. Ne i shlyem ato borxhe dhe nuk kemi hyrë më në borxh të kësaj natyre me njerëzit.
Investimet prej 250 mln euro në dekadën e fundit kanë rindërtuar 536 kanale ujitëse dhe kulluese që ishin të stërpërgjysmuara. Kanë përforcuar argjinaturat, kanë futur në punë 12 hidrovorë që kishin pushuar se punuari prej vitesh.
Të dëmtuarve do ti qëndrojmë me të njëjtin dinjiteti çdo detyrimi ndaj tyre qoftë për banesat qoftë për gjënë e gjallë”, tha Rama.
Kryeministri u bëri thirrje deputetëve socialistë që të jenë të angazhuar pranë qytetarëve dhe në mbështetje të tyre.
“Puna intensive e pa ndalur në të gjithë territorin ku është nevoja si dhe e bashkive do të vazhdoje deri në kapërcimin e kësaj situate të rënduar meteorologjike. I them të gjithë deputetëve të shumicës qeverisëse që të jenë të angazhuar edhe sot edhe nesër, edhe pasi momenti i vështirë të jetë kapërcyer pranë njerëzit dhe me njerëzit”, tha nder te tjera kryeministri.
