Neymar Jr. u ka dhënë përgjigje disa teorive që qarkullojnë në media dhe rrjetet sociale për gjendjen e tij fizike me një video në “stories” në Instagram, ku flet hapur dhe me zemër:
“Nëse luaj i dëmtuar, gaboj; nëse mendoj vetëm për veten, gaboj; nëse pushoj… gjithashtu gaboj.
Është shumë e vështirë të jesh Neymar dhe t’i kënaqësh të gjithë, e di?”, shprehet braziliani.
Sulmuesi i Santos-it, i rikthyer në fushë në shkurt pas operacionit në gju në fund të dhjetorit, përsëri u la jashtë skuadrës para një ndeshje për shkak të dëmtimit… pikërisht në prag të ditëlindjes së motrës së tij dhe pak para grumbullimit në përfaqësuesen e Brazilit para Botërorit.
“Është befasuese… ose jo aq… njerëzit që duken sikur janë pranë meje çdo ditë fillojnë të shpikin histori për mua, duke thënë këtë apo atë sikur të ishte e vërteta absolute, si të ishin zotër të së drejtës.
Është shumë e komplikuar të jesh Neymar. Zot i madh! Më duhet durim për t’i përballuar, po e shihni?”, shtoi ai në një mesazh më serioz se zakonisht për ndjekësit e tij.
