Kryetari i Partisë Demokratike, Sali Berisha tha se ‘dosja e Edi Ramës dhe e Belinda Ballukut nuk mbyllet deri ditën e fundit të jetës së tyre’.
Pas përfundimit të protestës së opozitës, ai tha “sot regjimi ishte i tmerruar”.
Ai u shpreh se drejtues të caktuar të policisë kanë shënjestruar drejtuesit kryesorë të Partisë Demokratike gjatë protestës, duke i akuzuar për përdorim të tepruar të forcës.
“Dosja Rama Balluku nuk mbyllet deri ditën e fundit të jetës së tyre.
Ata janë të regjistruar në analet e këtij populli, hajdutët më të mëdhenj të historisë shqiptare. Nuk ka forcë që i mbron nga ndëshkimit popullor”, tha Berisha.
