Shtëpia e Bardhë ka premtuar se “nuk do të lërë asnjë mundësi pa u hetuar” në përpjekjet për të zbuluar të vërtetën pas një serie zhdukjesh dhe vdekjesh misterioze të shkencëtarëve në Shtetet e Bashkuara.
Zëdhënësja e Shtëpisë së Bardhë, Karoline Leavitt, njoftoi në platformën X se presidenti Donald Trump ka urdhëruar përfshirjen e FBI-së në hetim.
“Duke marrë parasysh pyetjet serioze që janë ngritur rreth këtyre rasteve shqetësuese dhe angazhimin e presidentit Trump për të vërtetën, Shtëpia e Bardhë po bashkëpunon me të gjitha agjencitë përkatëse dhe FBI-në për të shqyrtuar në mënyrë të plotë të gjitha rastet dhe për të identifikuar çdo lidhje të mundshme mes tyre,” tha Leavitt.
Një seri rastesh që po ngjallin dyshime
Gjatë viteve të fundit, disa shkencëtarë të lidhur me NASA-n, programet bërthamore, industrinë hapësinore dhe projekte të klasifikuara janë zhdukur pa gjurmë ose janë gjetur të vdekur.
Gjeneral në pension i Forcave Ajrore, William Neil McCasland, 68 vjeç, u zhduk nga shtëpia e tij në New Mexico më 28 shkurt, pa telefon, pajisje elektronike apo syze.
Shumë prej tyre kishin akses në informacione të ndjeshme mbi teknologjinë hapësinore, energjinë bërthamore dhe sistemet e mbrojtjes, gjë që ka shtuar spekulimet për lidhje të mundshme mes rasteve.
Presidenti Trump deklaroi se ishte informuar për 11 raste të tilla.
Steven Garcia u pa për herë të fundit më 28 gusht të vitit të kaluar. Një burim ka bërë të ditur për Daily Mail se ai punonte si kontraktor qeveritar në një objekt kyç për armët bërthamore.
Monica Jacinto Reza, 60 vjeç, u pa për herë të fundit gjatë një shëtitjeje në zonën e ashpër “San Gabriel Wilderness”, brenda Parkut Kombëtar Angeles, në shtegun drejt majës së malit Waterman, më 22 qershor të vitit të kaluar.
“Shpresoj të jenë rastësi, por do ta dimë brenda një jave e gjysmë,” tha ai. “Janë njerëz shumë të rëndësishëm dhe po e hetojmë seriozisht.”
Raste të pazakonta zhdukjeje
Një nga rastet më të përmendura është zhdukja e gjeneralit në pension të Forcave Ajrore, William Neil McCasland, i cili u pa për herë të fundit në shkurt duke u larguar nga shtëpia e tij në New Mexico pa telefon, pa pajisje dhe vetëm me një pistoletë. Sipas raportimeve, ai dukej se po përpiqej të mos gjendej.
Anthony Chavez (majtas) dhe Melissa Casias ishin të dy punonjës në Laboratorin Kombëtar Los Alamos. Të dy u zhdukën brenda disa javësh nga njëri-tjetri vitin e kaluar.
Amy Eskridge ishte një shkencëtare që studionte teknologjinë e anti-gravitetit para vdekjes së saj në vitin 2022, në moshën 34-vjeçare.
të ngjashme janë regjistruar edhe më parë në të njëjtën zonë, ku disa shkencëtarë të lidhur me laboratorë të rëndësishëm, përfshirë NASA Jet Propulsion Laboratory dhe Los Alamos National Laboratory, janë zhdukur në rrethana të paqarta.
Disa prej tyre u larguan nga shtëpitë pa telefona, pa çelësa dhe pa automjete, ndërsa nuk janë gjetur gjurmë të reja për muaj me radhë.
Shkencëtarë nga fusha të ndjeshme
Mes personave të zhdukur përmenden edhe studiues të lidhur me teknologji të avancuar dhe programe bërthamore. Disa punonin në materiale për motorë raketorë, të tjerë në laboratorë të rëndësishëm kërkimorë në SHBA.
Shkencëtarët Nuno Loureiro (majtas) dhe Carl Grillmair u vranë në shtëpitë e tyre pasi kishin bërë përparime të rëndësishme në fushat e fuzionit bërthamor dhe astrofizikës.
Jason Thomas u gjet i vdekur pasi u nxor nga një liqen në Massachusetts më 17 mars. Ai kishte qenë i zhdukur që nga 12 dhjetori.
Po ashtu, disa shkencëtarë të tjerë kanë humbur jetën në rrethana të paqarta gjatë viteve të fundit, përfshirë studiues të fizikës bërthamore, astrofizikës dhe teknologjive hapësinore.
Në disa raste, autoritetet lokale kanë raportuar vetëvrasje ose vdekje natyrale, por mungesa e detajeve publike ka ushqyer më tej dyshimet dhe teoritë alternative.
Hetimet vazhdojnë
NASA dhe institucione të tjera shkencore nuk kanë dhënë shumë komente mbi rastet, ndërsa hetimet për disa prej tyre mbeten të hapura.
Shtëpia e Bardhë dhe FBI pritet të analizojnë nëse ekziston ndonjë lidhje mes këtyre incidenteve, por deri tani nuk ka prova zyrtare që i bashkojnë ato në një model të vetëm. Për momentin, autoritetet theksojnë se hetimet janë në fazë të hershme dhe çdo përfundim do të kërkojë kohë dhe verifikim të plotë.
