Ylli i reality-show, Kim Kardashian, dhe kampioni i Formula 1, Lewis Hamilton, kanë ndezur edhe më shumë thashethemet për romancë pasi u panë dorë për dore në New York.
Dyshja u fotografua duke dalë së bashku pas shfaqjes në Broadway The Fear of 13, një projekt ku Kardashian është e përfshirë si producente, shkruan Daily mail.
Pamjet tregojnë Hamilton duke e shoqëruar Kim drejt makinës, ndërsa ata dukeshin shumë të afërt dhe të qetë në praninë e njëri-tjetrit.
Dalja e tyre erdhi vetëm një ditë pas Met Gala 2026, ku Kim u shfaq e vetme në tapetin e kuq me një veshje shumë të komentuar artistike në ngjyrë portokalli metalike.
Prej muajsh, mediat ndërkombëtare kanë raportuar për afrimin mes tyre, pasi ata janë parë bashkë në vende të ndryshme si Tokyo, Malibu dhe Coachella.
Edhe pse asnjëri nuk e ka konfirmuar publikisht lidhjen, kjo dalje publike është konsideruar si momenti më i qartë deri tani që tregon afërsinë e tyre romantike.
Fansat reaguan menjëherë në rrjetet sociale, ku shumë e cilësuan çiftin si një nga kombinimet më surprizuese dhe më glamuroze të momentit.
Paraqitja e tyre së bashku ka shtuar interesin e madh mediatik, duke i vendosur sërish në qendër të vëmendjes së showbizit ndërkombëtar.
