Kampionët në fuqi të botës, Argjentina, do të nisin rrugëtimin e tyre në Botëror me ndeshjen hapëse kundër Algjerisë në Kansas City.
Përtej synimit të skuadrës së Lionel Scalonit për të mbrojtur kurorën, e gjithë vëmendja do të jetë te kapiteni Lionel Messi.
Ky takim është tejet i veçantë për të, pasi përveç që do të regjistrojë paraqitjen e tij të 200-të me kombëtaren, ai do të bëhet futbollisti i parë në histori që luan në gjashtë edicione të ndryshme të Kupës së Botës.
Fokusimi kryesor i kësaj sfide mbetet mundësia e artë e Messit për të thyer një nga rekordet më të mëdha të futbollit.
Aktualisht, ai ndan pozitën e parë për më së shumti asistime në historinë e Kupës së Botës me legjendën Diego Maradona, me nga 8 asistime secili.
