Ish-presidenti Barack Obama dhe ish-Zonja e Parë Michelle Obama kanë mirëpritur tre ish-presidentë amerikanë, personalitete dhe të famshëm në hapjen e Obama Presidential Center.
Atraksioni në Chicago, një monument i tetë viteve që çifti kaloi në Shtëpinë e Bardhë, ishte në zhvillim që prej momentit kur presidenti i 44-të la Zyrën Ovale para një dekade.
George W. Bush, Bill Clinton dhe Joe Biden morën pjesë, por presidenti aktual Donald Trump, i cili ka pasur prej kohësh përplasje me Obamën, nuk ishte i ftuar.
Çifti Obama zgjodhi lagjen Jackson Park në South Side, pranë shtëpisë ku ata jetonin para se të zhvendoseshin në Shtëpinë e Bardhë.
Obama, i cili ishte president nga viti 2009 deri në 2017, u tha vizitorëve gjatë ceremonisë së hapjes të enjten: “Ne donim që kjo qendër të ishte një festë e gjallë dhe dinamike e komunitetit. Ku mund të mësojmë së bashku dhe të ndajmë gëzimet e artit, muzikës, sportit dhe lojës.”
Më pas, Michelle tha disa fjalë të ndjera për të shoqin.
Të pranishëm ishin edhe ish-kancelarja gjermane Angela Merkel dhe ish-kryeministri kanadez Justin Trudeau, të cilët shërbenin në detyrë gjatë presidencës së Obama-s.
Në event pati edhe performanca nga artistë si Jennifer Hudson, Christina Aguilera, John Legend, Common, Marc Anthony, Bono dhe The Edge nga U2, si dhe Bruce Springsteen dhe Stevie Wonder.
