Bruno Fernandes thuhet se ka refuzuar një kontratë prej 133 milionë £ këtë verë, duke zgjedhur të qëndrojë te Manchester United.
Siç raportohet nga Metro, gjigantët e Saudi Pro League, Al-Hilal, i ofruan portugezit një marrëveshje fitimprurëse, por që është refuzuar.
Al-Hilal thuhet se bëri një ofertë me vlerë gati 100 milionë £ për 31-vjeçarin këtë verë. Fernandes thuhet se iu ofrua një marrëveshje me vlerë 640,000 £ në javë dhe një shumë marramendëse prej 133 milionë £ gjatë një periudhe katërvjeçare.
Djajtë e Kuq nuk e refuzuan ofertën menjëherë, por lojtari zgjodhi të qëndronte pavarësisht se iu ofrua një pagë e majme.
Bruno Fernandes tani ka hyrë në vitin e fundit të marrëveshjes së tij me Manchester United, megjithëse klubi ka një mundësi për ta zgjatur atë për një vit tjetër.
Ai gjithashtu e hodhi poshtë mundësinë për të kaluar në Saudi Pro League në të kaluarën. Galatasaray, Juventus dhe Milan gjithashtu u interesuan për mesfushorin, por Manchester United nuk i mori në konsideratë ofertat e tyre.
