Aktorja 68-vjeçare shijoi pushimet dhe ekspozoi linjat e saj, teksa pozoi pranë pishinës dhe bëri shaka me bashkëshortin që po e filmonte.
Denise Welch dukej fantastike me një kostum banje të zi, me dekolte të theksuar, teksa shijonte pushimet pak kohë pasi u largua nga programi televiziv “Loose Women”.
Ish-ylli i “Coronation Street”, 68 vjeçe, vendosi të largohej nga emisioni i ITV-së për t’iu përkushtuar karrierës së saj si aktore, pasi gjatë muajve të fundit kishte marrë disa oferta për role të reja.
Dhe Denise duket se po e shijon në maksimum kohën e lirë. Të dielën, ajo publikoi në Instagram disa fotografi ku shfaqej e buzëqeshur dhe në humor të mirë, teksa merrte rreze dielli.
Personaliteti televiziv tregoi linjat e saj në kostumin elegant njëpjesësh, të cilin e kombinoi me sandale me platformë në ngjyrë bordo nga Sole Bliss dhe syze të errëta.
E rrezatuar nga lumturia, Denise buzëqeshi teksa pozonte pranë pishinës, përpara se të ecte përgjatë barit duke bërë sikur nuk e kishte kuptuar se bashkëshorti i saj po e filmonte.
Teksa largohej duke lëvizur me elegancë para kamerës, Denise u kthye dhe, me shaka, tha:“Seriozisht, as që e dija se po më filmoje… ik!”
