Një zjarr i përmasave të mëdha ka përfshirë një sipërfaqe të konsiderueshme me shkurre në zonën e Sektorit Rinia, në Durrës.
Flakët vijojnë përhapjen e gjerë, ndërsa ekipi zjarrfikës ndodhet në terren dhe po punojnë për vënien nën kontroll të flakëve, ndërsa edhe banorët e zonës kanë dalë në ndihmë, duke u përpjekur të frenojnë përhapjen e zjarrit dhe të mbrojnë banesat dhe pronat e tyre.
Situata vijon të jetë nën monitorim, ndërsa ndërhyrja po përqendrohet në parandalimin e avancimit të flakëve drejt zonave të banuara.
