Nga Klevi Elezi
Historia nuk pret që dikush tjetër ta shkruajë. Ajo shkruhet nga ata që kanë guximin të ngrihen, të flasin dhe të kërkojnë ndryshimin.
Në dhjetor të vitit 1990, studentët u bënë zëri i një shoqërie që kërkonte lirinë. Sot, brezi i ri ka përpara sfida të tjera, por pyetja mbetet e njëjtë: A do të pranojmë të jemi spektatorë të së ardhmes sonë, apo do të marrim përgjegjësinë për ta ndryshuar atë?
Studentë, universitetet nuk duhet të jenë vetëm auditorë leksionesh, por edhe hapësira të mendimit të lirë, të guximit qytetar dhe të debatit pa frikë.
Mos prisni që dikush t’ju japë të ardhmen që meritoni. Kërkojeni me zë, me dinjitet dhe me vendosmëri.
Riktheni frymën e Dhjetorit 1990! Jo për të jetuar në të kaluarën, por për të mos lejuar që e ardhmja të na vidhet.
Shteti është i juaji. E ardhmja është e juaja. Mos ia lini askujt tjetër në dorë!
