Përmes një reagimi në facebook, Eda Grimçi, një prej anëtarëve të grupit të avokatëve PD-së informon se janë përfaqësuar sot në gjykatë 28 protestues, të cilët të gjithë janë lënë të lirë dhe.
Grimçi shton se juristët e PD-së do të vijojnë të mbështesin protestuesit e arrestuar nga mercenarët e Ramës dhe se çdo rast dhune dhe çdo arrestim i paligjshëm do të denoncohet dhe do të ndiqet deri në fund, për të kërkuar përgjegjësi individuale dhe institucionale.
Asnjë protestues nuk është vetëm! Secili ka mbështetjen tonë të plotë, me përfaqësim, mbrojtje dhe asistencë juridike falas, në çdo fazë të procesit.
Çdo rast dhune dhe çdo arrestim i paligjshëm do të denoncohet dhe do të ndiqet deri në fund, për të kërkuar përgjegjësi individuale dhe institucionale. Përballë abuzimeve të narkopolicisë, ne do të jemi në krah të çdo qytetari.
Loti i çdo nëne, i shkaktuar nga dhuna apo arrestimi i paligjshëm i fëmijës së saj, do të kthehet në kërkesë të palëkundur për drejtësi. Kush ka shkelur ligjin, do të përballet me të!”
