Japonia ka shënuar një rënie të madhe historike të vetëvrasjeve vitin e kaluar, teksa shqetësuese është rritja ndërkohë e numri të të të rinjve që kryejnë një akt të tillë.
Vendi aziatik që njihet për nga numri i madh i vetëvrasjeve në botë, më 2025 regjistroi 19 mijë e 097, shifra më e ulët që nga fillimi i regjistrimeve në vitin 1978.
Prej tyre 532 nxënës shkollash, shifra më e lartë që nga fillimi i regjistrimeve në vitin 1980, 352 nga shkolla e mesme, 170 nga cikli i ulët i shkollës së mesme dhe 10 nga shkollat fillore, sipas të dhënave nga Ministria e Shëndetësisë, Punës dhe Mirëqenies dhe Agjencia Kombëtare e Policisë.
Motivet për vetëvrasje te nxënësit e shkollave fillore, të mesme të ulëta dhe të larta shihen kryesisht të lidhura me çështjet familjare, shëndetësore dhe shkollore, sipas autoriteteve japoneze.
Qeveria japoneze analizoi 4 521 raste të trajtuara në qendrat e urgjencës dhe kujdesit kritik në të gjithë Japoninë midis fundit të vitit 2022 dhe fundit të vitit 2024, sipas të cilave shumica nga pacientët ishin femra dhe se shumë prej tyre vazhdimisht kryenin vetëlëndime.
Rreth gjysma kishin marrë vetëm informacion, ndërsa vetëm rreth 20% kishin lidhje me mbështetje nga institucionet mjekësore lokale dhe organizata të tjera.
Një dokument i qeverisë japoneze të premten theksoi rëndësinë e mbështetjes që synon uljen e rreziqeve të vetëvrasjes dhe vetëlëndimit tek të rinjtë përmes kontakteve me institucionet mjekësore.
Numri i vetëvrasjeve tek nxënësit e shkollave fillore, të mesme të ulëta dhe të larta vitin e kaluar ishte 538, një rekord i lartë për të dytin vit radhazi, sipas dokumentit të bardhë të vitit 2026 mbi masat për parandalimin e vetëvrasjeve.
Meqenëse ky vit shënon 20-vjetorin e miratimit të ligjit bazë për parandalimin e vetëvrasjeve, qeveria analizoi trendet në numrin e vetëvrasjeve. Nga viti 1998, numri mbeti në rangun e 30 000 për shkak të përkeqësimit të kushteve ekonomike në Japoni, përpara se të binte në rënie në vitin 2010. Ai arriti një rekord të ulët prej 19 188 vitin e kaluar.
Shkalla e vetëvrasjeve, e cila mat numrin e vetëvrasjeve për 100,000 njerëz, ra ndjeshëm te burrat e moshës së mesme ose të moshuar. Kjo besohet të jetë e lidhur me një rënie të vetëvrasjeve të nxitura nga faktorë socio-ekonomikë. Ndërkohë, një trend i ngjashëm në rënie nuk u pa në numrin e vetëvrasjeve midis punëtorëve beqarë, studentëve dhe grave të punësuara që jetojnë me anëtarë të familjes. Shkalla e vetëvrasjeve ishte në një trend në rritje midis njerëzve të moshës 19-vjeç ose më të rinj dhe grave në të 20-at.
