Bateristi i grupit të njohur Blink-182, Travis Barker, ka treguar se një diagnozë shqetësuese shëndetësore e shtyu të bënte një ndryshim të madh në stilin e jetesës.
50-vjeçari foli për këtë përvojë gjatë një paraqitjeje në emisionin “Big Bro with Kid Cudi”, të mërkurën, më 11 nëntor, ku zbuloi se e kishte lënë duhanin pas një paralajmërimi të fortë nga mjeku i tij.
“E lashë vetëm sepse u diagnostikova me një gjendje parakanceroze në ezofag”, deklaroi Barker.
Ai tregoi se mjeku e kishte paralajmëruar me fjalët: “Ky është sinjali yt i fundit paralajmërues”.
Muzikanti pranoi se më parë pinte shumë duhan dhe se pa këtë paralajmërim mund të mos e kishte ndërprerë kurrë këtë zakon.
Megjithatë, pavarësisht vendimit për ta lënë, Barker pranoi se ende i mungon duhani.
“Më mungon. Nuk do të gënjej”, tha ai.
