Blake Lively u shfaq e emocionuar pasi filmi i saj i ri, “Another Simple Favor”, u rendit i pari në Prime Video në mbarë botën.
Aktorja 37-vjeçare e ndau lajmin në Instagram, duke falënderuar ndjekësit me një fotografi së bashku me bashkë-aktorën Anna Kendrick.
Postimi vjen pak pas intervistës së saj në “Late Night with Seth Meyers”, ku ajo foli me kujdes për konfliktin ligjor me Justin Baldonin, regjisorin dhe ish-bashkë-aktorin e filmit “It Ends With Us”, të cilin e akuzon për ngacmim seksual, shkruan DailyMail.
“Ky ka qenë viti më i lartë dhe më i ulët në jetën time”, tha ajo, duke shtuar se ndihet me fat që ka mundur të flasë, ndryshe nga shumë gra që kanë frikë të ndajnë përvojat e tyre.
Filmi “Another Simple Favor”, vazhdim i komedisë së zezë të vitit 2018, ndjek personazhet Stephanie (Kendrick) dhe Emily (Lively) në një dasmë luksoze në Itali, ku vrasja dhe tradhtia prishin festimet.
Pavarësisht suksesit në publik, kritikat kanë qenë të përziera. The Hollywood Reporter dhe Variety e cilësuan filmin si “i zvarritur” dhe me “skenar të lodhshëm”, megjithëse vlerësuan kimi¬në midis dy aktoreve.
Gjatë paraqitjes në talk show, u vu re se Lively nuk mbante unazën e martesës, duke nxitur spekulime, megjithëse ajo shpesh zgjedh bizhuteri më të spikatura për evente.
Ajo theksoi se katër fëmijët e saj me aktorin Ryan Reynolds kanë qenë forca e saj gjatë kësaj periudhe të vështirë.
Blake dhe Baldoni pritet të përballen në gjykatë në mars 2026.
